Cube Sugar

腦裡面忽然出現一幅畫 ...
『一個沙灘 ...
太陽已經落山, 但月亮仲未出來 ... 係未出來, 還是被遮住呢 ... 無人知.
沙灘上有一隻狗 ... 慢慢咁行 ... 行幾步, 又停落來, 又再行幾步, 似乎唔知應該向邊個方向走.
沙灘旁邊既一間用鐵皮建成既酒吧, 吧枱上有一杯 tequila ...
Tequila 從來未被人飲過, 但酒吧裡面空無一人, 就連 bartender 都唔存在 ... 就似未開門營業既酒吧一樣.
酒吧既鐵皮畀風吹到互相拍打, 發出很大既聲音.
沙灘既另一頭, 出現一條已經化成白骨既死屍, 就只有一排骨, 身上連一丁點首飾、配件都無 ...
死屍面向海倘響沙灘椅上. 雖然已經化成白骨, 但睇得出佢似乎有好多野正響度諗緊.
諷刺既係 ... 死屍後既一條小徑, 正有一男一女既警察行經 ... 佢地似乎對面前所見既視若無睹.』
成幅畫都係灰色既, 就只有化成白骨既死屍先係彩色.
感覺唔應該係一幅畫既內容 ...
似刻意想像出來, 還是忽然從腦中閃現?

如果識駕車會係幾好呢 ... 可以無驅無束咁, 想幾時去邊都得.
如果再加上一棵大無畏既心, 就更係隨時都可以實行.
唔知點形容 ... 可以畀一個答案我嗎? 就怕只係一個奢望.

都係鍾意聽日文中學生合唱版多 D.
 
 

無心情寫 ...
就聽下幾首歌吧

Day 3: Sousse > Kairouan > Sbeitla > Tozeur

以為五點幾起身早, 點知畀同行伴捷足先登, 霸左個廁所.
同行伴話要出沙灘影日出.
據同行伴返來回報, 已經有好多人響度行沙灘.
同行伴話 D 雲太厚, 影唔倒日出.

一如預期, 今朝早餐無尋日朝咁豐富, 不過有好少會出現既士多啤梨汁喎.
不過我唔㨂擇嘅, 食個包都飽㗎喇.

尋晚特登開車來 Sousse 就係為左瞓一晚, 朝早乜景點都唔睇就走, 嘥左 D 喎.
今日氣溫廿幾度, 都幾舒服.

領隊話今日車程比較長.
由酒店出發, 先去回教第四大聖地 Kairouan, 車程大約半個鍾.
沿路植物唔多.
 

導遊先去個 i 度買入場卷.

個 i 門口有隻駱駝等人來騎.
 
有團友問隻駱駝會唔會好熱, 我諗又未必嘅, 因為駱駝天生就耐熱, 況且今日都只係廿幾度.

據導遊介紹, Kairouan 哩個地方原來有一座公元六世紀建成既清真寺, 但後來被破壞哂. 而家見倒既哩座 Great Mosque 係後來公元九世紀重建既.

Great Mosque 每一條石柱既長短、花紋都唔一樣; 因為當時 D 人已經好有環保意識, 將 Carthage 搵倒既石柱搬過來 Kairouan 起哩度 Great Mosque.
 

(Credit: Maggie Yip)

Great Mosque 裡面祈禱既地方非回教徒係唔可以入去, 但都可以響門外望一望嘅.
地下鋪左席, 夏天可以涼快 D; 而冬天就會換上羊毛氈保暖.
每條柱既下面都被席包住, 咁係方便信眾可以埃住條柱來讀經.
    
回教所有野都要分男女, 祈禱都一樣, 女信眾既祈禱區響左面, 畀一幅幅屏封圍住.

有團友問, 如果細路仔 (男) 跟阿媽來祈禱, 應該去左邊定右邊呢. 導遊似乎都無好肯定既答案.
不過, 我覺得既然基督教都有小朋友既主人學, 回教都可能有小朋友既可蘭經讀經班呢.
祈禱大廳前有張櫈, 係畀長老講可蘭經時用既.

祈禱大廳既木門都好靚.
 
(Credit: Alex Cheung)

Great Mosque 既中央廣場既地下, 都暗藏玄機.
 
其實廣場既地下有好多用來收集雨水既洞.
  
廣場仲有一個日規, 不過唔識睇.
 

見有個導遊帶住兩個日本女仔來參觀, 似乎日本人既足跡真係遍天下.
個導遊仲走來問我同同行伴我地係邊度來, 又一次證明外國人係唔識分唔同國家既亞洲人.

LP 介紹話可以上哩間地毯舖既天台, 就可以睇哂成個 Great Mosque 既樣貌.

不過同行伴驚入去要幫襯買野, 所以就無入倒去喇.
見有檔賣花生既小販檔, 幫襯佢買左包朱古力少花生, 3 Dinars.
有團友覺得 3 Dinars 太貴, 應該講價; 不過我覺得區區果 3 Dinars, 要花時間同佢講價唔值囉.

睇完 Kairouan 既 Great Mosque, 開車返個 i 度.
個 i 就響 Place 7 Novembre 度.

i 既後面有兩個大集水池, 係公元九世紀時已經建成.
 
見天氣咁好, 我買左杯 mint tea (1 Dinar), 上天台慢慢歎;  不過 mint tea 實在太細杯, 好快就飲完.
同行伴響地下間 souvenir shop 有收穫, 不過我就搵唔倒有乜野啱買喇.

所有團友都去哂廁所、買齊野, 就再開車去 Sbeitla 遺址.
Sbeitla 係羅馬時代既一個古城; 話明係遺址, 當然 D 完整既野又係所剩無幾啦.

(Credit: Maggie Yip)
入場又要買 1 Dinar 既 photo ticket, 不過有團友無買倒喎.

先睇既係一個羅馬時期搾橄欖既功具.
 

跟住就係重點所在既三座神廟喇.
入廟前, 先經過既係商店街 (有 D 似日本淺草寺).

大門都有名堂──Antonine Gate.

三座神廟, 由左至右分別係: Minerva、Jupiter、 Juno.
 
三座神廟之中, 只有左邊一座既 Temple of Minerva 係保持得最完整.
  
Temple of Jupiter 同 Temple of Juno 之間有一條小橋連住.
  
神廟後係未完成發掘既地方.

團友 Max 望住棵 plam date 樹, 唔知諗緊乜呢.

羅馬時期既人都鍾意浸下浴, 所以 Sbeitla 遺址都有幾個大浴場, 其中經過覆修既就有哩一個.

地下都鋪滿 Mosaic.
 
大浴場燒水既地方.

最後睇埋一個劇場.


(Credit: Alex Cheung)
據導遊講哩個劇場夏天既時候夜晚會有表演.

暴晒左一個鐘之後, 就準備去食午餐喇.
離開 Sbeitla 遺址既時候, 一路上都種滿仙人掌.

估唔倒暴晒完一個鐘, 我又紅左喇. 

午餐響附近既 Hotel Sufetula 食自助餐.
可能 Sbeitla 係一個小鎮, 午餐既選擇好少.
試左領隊介紹既一隻紅色辣醬, 真係幾辣喎, 但係用來點 D 魚食又幾好味.
甜品係一 D 白色好似 mousse 既野, 都唔算太甜, 反而 D plam dates 仲甜.

食完午餐, 就要開三個鐘頭車去 Tozeur.
見團友 Max 攞左部 Kindle 出來睇書; 問佢點買倒既, 原來係佢個女響美國幫佢買既.
不過團友 Max 話要 download 書有 D 難度.

開車去 Tozeur 既路上都種滿哂 plam date 樹.
領隊話 D plam dates 下個月就可以收成, D 農夫因為怕 D 雨水會將 D plam dates 浸瀾哂, 所以用 D 膠袋包住哂 D palm dates.
仲有唔講唔知喎, 原來 plam date 樹都有分男、女㗎. 只有女既 palm date 樹先會有 palm dates 生; 而男既 palm date 樹一般都會種響中間, 外邊畀 D 女既 palm date 樹包圍住.

原本應該響 Gafsa 有 toilet break, 不過領隊話果間舖頭無開, 所以去到 Metlaoui 既 Relais Thelja 先有 toilet break.
順便響附近既商店買支 1.5 L 既水, 1 Dinar, 貴過超級市場兩倍呢.

今晚住既 Dar Cherait Hotel 真係好有特色.
雖然門口細細, 但裡面原來內有乾坤, 裡面分成三個圈圈.
    
酒店放左好多藝術品.
  
就連郵箱都用鳥籠來做.

連個泳池都靚 D.

(Credit: Maggie Yip)
不過部電視實在太怪, 會忽然無聲.

酒店有推介一個 Chak Wak Park 既景點, 裡面有好多野玩, 距離酒店兩公里.
問過同行伴, 佢又唔去, 兩公里太遠又驚蕩失路, 所以無去喇.

晚餐又係自助餐形式.
食完飯, 睇 LP 先知原來哩間酒店係隔離間 Dar Cherait Museum 既延伸, 怪唔知酒店咁多藝術品啦.
再睇原來博物館係夜晚開左燈會好靚, 好想出去睇一睇, 不過同行伴一早就瞓左

夜宿: Dar Cherait Hotel, 195 Dinars (參考價格).

今年萬聖節既包 ...

幾趣怪啊.
原本以為會有 D 硬, 都唔係, 好軟身.

問左一條問題, 雖然自己都唔係好肯定答案, 但都知何謂錯.
唔想正面爭辯 ...
我都話就算坐埋一齊都唔會有交流, 即便係未坐埋一齊亦唔啱咀型
係我既錯!
係我霸住個位, 令你無得升, 全部都係我既錯!

越 dig 越多 ...
感覺 ...
如果有水晶球 ... 會好嗎?
如果有方法令記憶消失 ... 點樣先可以搵番自己呢?
死亡筆記後, 會唔會有失憶筆記呢?

只係諗到灰色.
但點解灰色都有咁多種嘅呢?
很灰 ...
灰 ...
好天氣 , 幾時先有?

又試好心急咁響無 discount 既書局買左兩本書──一個人去旅行‧二年級生、監獄飯店-秋‧卷二.
  
 
其實我覺得書局將 D 書包住哂, 真係好唔環保囉.
點解唔可以買左書既時候, 回收番個膠袋呢?

每次睇倒哩 D 書都有學駕車既衝動.

裝左新既 Opera Mini 5 beta 同 Bolt Browser 響電話上.
Load 同一個 web page, 速度比 SE built in 既 NetFront Browser 快好多. 仲可以將畫面打橫, 同 NB 個 screen 既比例一樣, 咁睇野先 natural 嘛.
Opera Mini 5 先進在有 tab 功能, 可以一次開幾個唔同 web sites.
Bolt Browser display 非英文就差 D, D 中文字變哂點點.

新一個 season (season 15) 既 The Amazing Race 響九月尾已經開播.
睇左第一集既 premier, 畀我學會兩件事.
第一件事係輸在起跑點上.
今個 season 新加入既一個考驗, 響出發點上搵日本品川車牌, 搵唔倒既話即輸, 連機場都唔洗去.
好多時聽人講嬴在起跑點上, 但似乎無人諗過會有輸在起跑點上.
輸在起跑點上既結果係顯而易見既, 連鬥都唔洗鬥, 再唔需要努力.
好多事都輸在起跑點上, 叫我點辦?
第二件事, 原來人可以用大話將自己美化成仙.
講大話果然係一個比讀一個博士學位更難既學問.

偷睇左虎年運程.
好既意見會接受, 唔好既野都會多加注意.
要努力, 做個有用既人!

『上訪』完就唔洗搬喇.
都話㗎啦, 我同其他所謂 team member 唔夾㗎嘛.
唔洗搬, 換左張新櫈.

舊櫈既遺照 ...

新橩除左顏色唔同, 就係靠背高 D, 坐得舒服 D.

開左盒突尼西亞買既無花果來食.
 

唔知點解似水多 D ...

黑色 ... 哈佬喂?

Day 2: Carthage > Bardo Museum > Tunis Medina > Sousse

尋晚真係好好瞓
唯一美中不足既係電話個鐘唔識得自動 update, 仲跟緊卡塔爾既時間, 搞到早左兩個鐘就畀鬧鐘鬧醒左.

以為好早去食早餐, 將行李放響門口先見倒好多團友已經拎哂行李出來, 好明顯係已經出左去食早餐啦.
早餐有蜜糖又有 plain 乳酪, 最啱用來整蜜糖乳酪, 但係 D plain 乳酪太大盒, 驚食唔哂所以無整倒.

食完早餐, 就出車入城 (Tunis) 去 Bardo Museum.
經過 Nestle 工廠, 有一隻好大隻既紅色 Nestle 咖啡杯.

入 Tunis 之前, 又見倒有一個圍牆既地方, 原來係 Garde Nationale (National Guard) 既地方.
Tunis 市中心既交通都幾繁忙, 但 D 車都好有秩序.
經過 Tunis 大學區, 無幾耐就到 Bardo Museum.

真係懷疑全 Tunis 既旅遊巴都開哂來 Bardo Museum, 成個停車場都係旅遊巴.
入 Bardo Museum 又要買 photo ticket.
大既袋唔可以拎入去, 團友 Gordon 咩左個 backpack 入去, 就要寄存喇.
博物館有 audio guide 出租, 3 Dinars; 但大部份入去既人都有導遊帶, 所以 audio guide 似乎無乜人會租喇.

Bardo Museum 原本係國王既屋企, 裡面分三層.
後來先變成半間博物館, 另外半間就成為國會開會既地方; 不過前幾年國會搬走左, 所以 Bardo Museum 就會用埋其餘地方用來展覽更多既 Mosaic.
Bardo Museum 陳列左響突尼西亞各處搵倒既羅馬時期既 Mosaic, 係全世界最豐富既 Mosaic collections.
D Moasic 其實都係響一般人既屋企地下搵倒, 以當時既標準, 只係一 D 好普通既野.

最初期既 Mosaic 都係以黑、白色為主, 內容都係同日常生活有關.
後來先多左唔同既顏色, 甚至以羅馬人敬拜既諸神作題材.
   
D Mosaic 係成塊咁由地下起出來, 有 D 掛左上牆上面方便人觀賞, 但有部份就照樣鑲番響地下, 任人踩.

LP 話睇 Bardo Museum 最好係朝早一早來睇半日, 不過咁多旅行團都係朝早來, 影相少不免出現一、兩個人頭. 團友 Maggie 響 D 魚前面笑得咁開心做乜呢?

雖然突尼西亞曾經畀咁多國家統治過, 但偏偏希臘就無統治過喎.
不過因為一隻古代希臘貨船響 Mahdia 對出個海沉左, 所以 Bardo Museum 就將船上搵倒既野拎出來展覽埋喇.
  
團友 Vivian 問究竟個 anchor 係真定假既呢? 點解會咁細既.

博物館內除左有 Mosaic, 仲有一系列既石像.
     

究竟一幅 Mosaic 可以有幾大呢? 答案係可以成間房咁大㗎.
   

法國巴黎既羅浮宮有鎮館之寶 (蒙羅麗莎的微笑), Bardo Museum 同樣都有鎮館之寶.

離遠少少睇, 真係好似一幅油畫 (據領隊講).
哩幅 Mosaic 旁邊有張好細既紙寫住唔可以用閃光, 但所有人都用哂閃光囉; 我都係影完先發現唔可以用閃光.
不過, 我覺得哩 D 先至係鎮館之寶囉.

臨離開前, 發現一個浸禮池.

證明突尼西亞都曾經有基督教時期.

Bardo Museum 旁邊棟野有個搾槍既人守住.

想試下影佢, 不過同行伴話有槍唔好亂影喎.

過對面馬路既售票處, 借用一下個廁所.
同行伴話 D 紀念品貴, 睇完無買倒.
我就去 cafe 飲杯 cafe mocha, 坐響 cafe 出面慢慢歎.
見有四隻貓 B 仔響度玩喎, 超活躍呢.
 
無幾耐來左隻大貓, 唔知係咪貓媽呢.

響 Bardo Museum 停留左兩個鐘, 就再出發去 Tunis Medina.
途中經過據講係 Channel 7 既電視台同埋幾間大酒店.

旅遊巴停左響 new town 既 Avenue Habib Bourguiba 畀我地落車, 一直沿 Avenue de France 行.

行過去 Tunis Medina 既時候, 見有一座 Cathedral St. Vincent de Paul, 不過領隊似乎無意思帶我地入睇喎.
Tunis Medina 既法國門.
  
Tunis Medina 既入口就響前英國大使館左邊.
 
Tunis Medina 真係好似香港既女人街.
 

(Credit: Maggie Yip)
一路都見有 D 賣甜品既舖頭, 好想買來試下, 不過就係唔知要買幾多 (少) 先得.

Tunis Medina 既中央係 Great Mosque.

Great Mosque 出面有幾隻貓, 佢地似乎都唔怕人.
 
有個大叔一直都好想我地跟佢去一個地方, 但我直覺覺得佢想帶我地去佢間餔, 再 con 我地. 我叫同行伴唔好跟佢行.
行到 Great Mosque 前, 又點可以唔入去參觀下呢. 畀 3 Dinars 就可以入去望一望, 如果有國際學生證就可以免費.
    

Tunis Medina 仲有幾個細 D 既 mosque 同讀可蘭經既地方.
   
行到去 Place du Gouvernement 後既 Place de la Kasbah, 見有一班人響空地踢波.
 

領隊約左我地十二點半去 Tunisia Palace Hotel 食午餐, 返出 Tunis Medina 外既 Avenu de la France.

見有間 Deyma Gift 賣既 plam dates 包裝幾靚, 同同行伴各買左一盒, 每盒 9 Dinars 大約有十八粒啦.

午餐先來一個麵包加沙律, 主菜係雞脾.
 
甜品係兩 pat 類似朱古力 mousse 既野, 太甜喇, 無可能食得哂.

食完午餐, 今日既行程就結束喇.
開車大約一個鐘頭四十五分鐘去到 Sousse.

雖然話今晚住既酒店係響 Sousse, 但酒店既位置根本就超出左 LP 既 Sousse 地圖範圍.
送行李到我地房既 porters 都狗喇, 分兩次來送, 搞到要畀兩次 tips.
我地分配倒既房響地下一層, 可以由窗口爬入房, 就好似 Uluru Outback Pionneer Hotel 一樣.

酒店有幾個泳池, 仲有一個可能有成一公里長既沙灘.
  
沙灘 D 沙都好幼, 係地中海 D 浪大啫.

(Credit: Alex Cheung)

酒店仲有網球、兵乓球、草地滾球、高爾夫球、足球、Aerobic 玩. 室內既活動有 Sauna、桌球、遊戲機.
好想打網球, 但同行伴又唔玩.
畀我發現倒有部電腦懷疑用翻版.

晚餐又係自助餐形式.
同行伴覺得野食少左 D. 我話通常旅行團第一日一定最好, 越食就會越差㗎喇.
Couscous 裡面都無肉嘅.
有 D 團友叫左啤酒, 好似 3.9 Dinars 一支喎.
領隊係咁推介一隻白色雪糕, 不過我驚咳咳就無試倒; 同行伴試左, 但佢好似無乜 comment 咁囉. 

夜宿: Diar El Andalous, 266 Dinars (參考價格)